各地合作//邀稿 聯繫 ::
akina_p@ymail.com


保養 | 彩妝 | 穿搭 | 飲食| 旅遊 | 動漫遊



---------------------------------------------------------------------------------------------------------------------------------- Thanks all !!

2016年10月1日 星期六

深水埗「華記小廚」

[ From: Foodtone.com 飲食通]



近年越嚟越多川菜,今日又試到新嘢啦!位於深水埗嘅「華記小廚」呢晚坐無虛席,我哋一行四人點咗六樣嘢食,令我最開心嘅係每碟都好大碟!


泡椒鳳爪 $38
成餐至辣就係碟泡椒鳳爪,鐘意食辣嘅我雖則係食得好過癮,但實在係泡椒味欠奉。

鹽燒茄子 $52
侍應上呢碟鹽燒茄子嘅時候我仲以為係比錯隔離枱😑 實在係估佢唔到嘅外表(我哋以為係豆卜)食落係ok㗎,鐘意食茄子就岩啦!新鮮熱辣嘅佢完全演繹到外脆內軟,表面撒咗椒鹽⋯⋯ 其實真係好似避風塘茄子走辣😂


豉椒炒蜆 $52
呢個真係堅抵,大大碟炒蜆先$52,好唔好味都其次😂通常炒蜆都好難做到有味而又唔會縮晒水,呢間炒到粒粒蜆都大大隻,都算係有啲味(要大隻真係好難好入味嘅),呢碟炒蜆性價比好高

明爐烤鯇魚 $208
我對鯇魚真係麻麻,鯇魚肉質比較林,我鐘意食斑果種肉感(哈哈)但好味嘅烤魚真係難搵,呢間都可以算係唔好味之一⋯⋯ 魚皮無烤過嘅焦香味,魚肉又唔入味,就算食到後期個汁都煮唔夠味,本來期待會係好香辣,但可惜無,家人話早知食水煮魚好過😂


蝦醬通菜炒鮮魷 $88
!尤其我入夏之後對蝦醬炒通菜嘅渴求真係主觀加分!唔知用咩蝦醬炒到咁香,條條菜都有晒蝦醬味,但鮮魷有少少腥味帶埋落碟菜度(家人話唔覺)


辣子雞拼肥腸 $128
呢個肥腸不得了,直頭係炸大腸嘅升級版,平時啲炸大腸已經好味,連埋香料一齊炸真係不得了,成碟嘢個重點我擺咁落啲肥腸度。至於辣子雞反而普普通通

地址:深水埗荔枝角道240-244號寶興樓地下

------------------------------------------------------------------------------
如有任何查詢,歡迎留言或電郵聯繫。
Akina's email :: akina_p@ymail.com

按此進入【Akina Facebook 專頁】

沒有留言:

張貼留言




歡迎留言或電郵聯繫 :: akina_p@ymail.com